_|| ح’ـقيقة الح’ـب ||_

بسم الله الرحمن الرحيم

هدية كانت لعاشق .. يعشق من كانت تدرس في احدى الكليات وهو يراها كل صباح عندما تذهب على الباص لمقر الكليه ..

كلية الغاليه بالفن مفهوم ** تعطي شهادة تفوق وأفتخاري

تدرس بها اللي عليها القلب ماسوم ** العمر عشرين والزين اختياري

جسمٍ وسط ماعليه خيار معلوم ** أحبها بس أخاف تحب غاري

لو تطلب القلب قلت أخذيه مقدوم ** أعرف مقره معك سارح وساري

مرهون حبك وتحت ارضاك محكوم ** رهن الأشاره معك ليلي نهاري

اكيد بعض الغرام احلا من النوم **حتى لو النوم مفروضٍ جباري

الحب معروف فيه افراح واهموم **اشكال والوان وافكار وطواري

حلو المقابل يخلي الضيق معدوم ** مع من يحبك ولا احد عنه داري

روحين متوافقه في سر وعلوم ** مافرقوها مكثرة الهذاري

هي غاية الذوق جوف الصدر مكتوم ** ياعارفين الهواء مافيه زاري

كلٍ حبيبه معه بالقلب مرسوم ** يدق مع دقته بالدم جاري

وان ماحصل له وكاد الضيق ملزوم ** غصبٍ عليه الطفش مهما يداري

مع دورة الفكر طول الليل واليوم ** محدٍ يلومه ولوصار انتحاري

يرسل عليه الغرام أمال واسهوم ** وان قابل اللي يبي صارت سفاري

حبٍ من القلب يبقى دايم الدوم **لا يمكن انه كما الحب التجاري

خذها هدية وخل الحب مقسوم ** الراي لك والوفاء والاختياري

بقلم

تبطي عظم